योग्य करिअरची निवड !

दोन्ही निकाल (एचएससी आणि एसएससी) लागले आहेत. आता भविष्यातील करिअर ठरवण्याची वेळ आली आहे. हा जीवनातील एक महत्त्वाचा निर्णय आहे. त्यातून विद्यार्थ्यांचे भविष्य घडते.

अनेकांच्या मते, करिअर तुम्हाला चांगले कमावण्यास मदत करते आणि तुमचा सामाजिक दर्जा वाढवण्यासही मदत करते. पण, स्पष्टपणे सांगायचे तर, करिअर हे असे आहे की जे काम तुम्ही उत्कटतेने आणि आनंदाने करू शकता आणि ज्या कामात तुम्हाला समाधान मिळते.

मी अनेक वर्षांपासून करिअर समुपदेशक आणि प्रशिक्षक म्हणून काम करत आहे. अद्वितीय गुण असलेले अनेक विद्यार्थी मला भेटले. मी त्यांच्या चांगल्या गुणांवर काम करण्याचा प्रयत्न करतो, त्यांना त्यांच्या योग्य करिअरच्या मार्गावर चालण्यास मदत करतो.

मला पालक आणि विद्यार्थ्यांकडून करिअरविषयी प्रश्न विचारणारे अनेक कॉल येतात. करिअरचा प्रत्येक पर्याय चांगला आहे असे मला वाटते. विविधता म्हणजे सौंदर्य. कोणताही देश आणि समाजात वेगवेगळ्या क्षेत्रात काम करणाऱ्या अनेक लोकांचा समावेश असतो. प्रत्येक पालकाने ते समजून घेणे आवश्यक आहे. समजुतीच्या अभावामुळे अनेक विद्यार्थ्यांच्या करिअरला बाधा येते. पैसे कमवण्याची प्रवृत्ती हा एक चांगला निकष असू शकतो, परंतु तो एकमेव असू नये.

आपण आयुष्यात अशा अनेक घटना पाहिल्या आहेत जिथे अनेक विद्यार्थी एसएससी आणि एचएससीमध्ये चांगले गुण मिळवूनही त्यांच्या पालकांनी निवडलेल्या करिअरच्या मार्गात उत्कृष्ट कामगिरी करू शकले नाहीत. कारणे अनेक आहेत, जसे की – अनेक पालक आपल्या मुलांसाठी करिअरचा मार्ग ठरवताना सुशिक्षित आणि यशस्वी मित्र/नातेवाईकांची मदत घेतात, ज्यांना मुलांबद्दल काहीच समज नसते; अनेक पालकांना त्यांच्या मुलांनी त्या करिअर पर्यायांचा पाठपुरावा करावा असे वाटते जे करण्यात ते अपयशी झालेले असतात; अनेक पालक आपल्या स्वतःच्या आवडीचे शिक्षण घेण्यास पाल्यांना सांगतात.

त्याऐवजी, पालकांनी आपल्या मुलांना समजून घेतले पाहिजे किंवा त्यांना त्यांच्या करिअरचा मार्ग समजून घेण्यासाठी मदत केली पाहिजे. एक चांगले करिअर कोचिंग किंवा करिअर समुपदेशन सत्र विद्यार्थ्याच्या करिअरचा कल समजून घेण्यासाठी अधिक उपयुक्त ठरेल.