आजच्या व्यस्त जगात लोक त्यांच्या जीवनशैलीमध्ये खूपच व्यस्त आहेत. यामुळे त्यांच्या जीवनात तणाव वाढतो आणि अशा प्रकारे त्यांचे वैयक्तिक आणि व्यावसायिक जीवनात अडचणीत येतात. तथापि, हा तणाव कमी करण्यासाठी ते बरेच प्रयत्न करतात सुद्धा, परंतु सर्व व्यर्थ. काही वर्षांनंतर, धकाधकीचे जीवन जगण्याची एवढी सवय होते की ती त्यांची जीवनशैली बनते.
या प्रकारच्या जीवनशैलीची अनेक कारणे आहेत, परंतु प्रमुख म्हणजे भावना दडपून किंवा लपून ठेवणे होय. लहानपणापासूनच, बरेच लोक समाजातील मानकांचा सामना करण्यासाठी त्यांच्या भावना दडपतात. थोड्या वेळाने, त्यांना त्यांची भावना ओळखनेच अवघड होऊन बसते. काहीजणांची भावना ठामपणे व्यक्त करण्याची क्षमता मंदावते.
साथीच्या रोगाने स्थिती आणखी अवघड बनवली आहे. लॉकडाऊनमुळे लोकांना कामाऐवजी स्वत: आणि कुटुंबासमवेत जास्तीत जास्त वेळ घालवावा लागत आहे. आपल्याच भावनाविषयी माहिती नसणे किंवा त्याबद्दल अभिज्ञ असल्यामुळे काही लोकांना स्वत: आणि कुटुंबातील सदस्यांसह खूपच असुरक्षित वाटत आहे. यामुळे लॉकडाऊनमध्ये घरगुती हिंसाचारत वाढ होत आहे.
लपलेल्या गोष्टी नेहमी असुरक्षिततेची आणि भीतीची भावना निर्माण करतात. जेव्हा एखाद्याला त्यांच्या भावना आणि वागण्याविषयी माहिती नसते, तेव्हा त्याच गोष्टींची अधिक भीती वाटते. तसेच, एखादी गोष्ट जास्त दडपलेल्या स्थितीत असेल तर कधीतरी त्याचा उद्रेक होणे निश्चित आहे. हे दडपलेल्या भावनांसाठीही लागू होते.
समुपदेशन त्या दडपलेल्या भावना मोकळे करण्यास किंवा त्या लपलेल्या भावना जाणून घेण्यास मदत करते. एकदा एखाद्यास त्यांची माहिती झाली की भावनांचे चांगल्या पद्धतीने व्यवस्थापन करता येते. हे भावनिक बुद्धीमत्ता वाढविण्यास ही मदत करते.
समुपदेशकाशी बोलण्यामुळे राग, अपराधीपणाची भावना आणि गोपनीय वातावरणात भीती यासारख्या भावना व्यक्त करण्यास संधी मिळते.
समुपदेशन दीर्घकालीन शारीरिक आरोग्य समस्या, नोकरी गमावणे, घटस्फोट, आघात आणि अशा अनेक मानसिक आरोग्याच्या समस्यांसह आयुष्यातील अनेक घटना हाताळण्यास मदत करू शकते. शक्यतो, वेगळ्या दृष्टिकोनातून परिस्थिती अधिक स्पष्टपणे पाहण्यास मदत करणे हे समुपदेशनाचे एक उद्दीष्ट आहे…✍️
ABLES INDIA 